एभरेष्ट बैंकले आफ्नो मोबाईल बैंकिङ एप 'इबिएल टच ट्वान्टी'मा नयाँ सुविधाहरु थप गरेको छ।
यो थप सुरक्षित, द्रुत र भरपर्दो रहेको बताइएको छ।
एपमार्फत मोबाइल बैंकिङ एक्टिभ गरी मोबाईल नम्बर प्रयोग गरेर सहजै लगइन गर्न सकिने भएको छ।
जसअन्तर्गत ५० भन्दा बढी बैंकका खाताहरुमा रकम ट्रान्सफर, बिजुली, पानीको महशुल, टि.भी, इन्टरनेटको बिल भुक्तानी, मोबाइल रिचार्ज, हवाइजहाज, बस तथा सिनेमा टिकटको अनलाईन खरिद गर्न सकिन्छ। साथै एक लाख भन्दा बढी मर्चेन्टहरुमा क्युआर पेमेन्टबाट भुक्तानी गर्न सकिने भएको हो।
यसैगरी, ग्राहकहरुको सुरक्षाका लागि, फिंगर प्रिन्ट वा फेस रेकोगनिशनबाट पनि कारोबार गर्न सकिने बताइएको छ।
हालसम्म बैंकको ९५ शाखाहरु, ३१ राजस्व सङ्गकलन काउन्टरहरु र १०३ स्थानमा एटिएम रहेका छन्।
