तनहुँ जलविद्युत आयोजनाको निर्माण कम्पनी सिएमसीलाई इन्भेष्टमेन्ट बैंकले गरेको काउन्टर ग्यारेन्टी वापतको रकम बैंकले फिर्ता पाउने भएको छ।
बैंकका प्रमुख कार्यकारी अधिकृत ज्योतिप्रकाश पाँडेले इटलीमा भएको पूर्ण फैसला बैंकको पक्षमा आएको बताए।
‘मलाई न्यायाधीशहरुले दिउँसो ३ बजेतिर फैसला हाम्रो पक्षमा भएको जानकारी गराउनुभएको छ’ सेतोपाटीसितको कुराकानीमा उनले भने।
सिएमसी कम्पनीले २०१९ फेब्रुरीमा आयोजनाकाे ठेक्का तोडेपछि बैंकले तनहुँ हाइड्रो पावरमा गरेको काउन्टर ग्यारेन्टीवापतको २ अर्ब १० करोड रुपैयाँ जोखिमा परेको थियो।
सेप्टेम्बर २०१८ मा बैंकलाई इटलीको इन्नेसानपाओलोले काउन्टर ग्यारेन्टी जारी गरेको थियो। साे अनुरुप बैंकले आयाेजनालाई रकम दिएकाे थियाे।
सिएमसीले ठेक्का ताेडेपछि इन्नेसानपाओलोले काउन्टर ग्यारेन्टीको रकम अदालतको आदेश देखाउँदै बैंकलाई तिर्न इन्कार गर्दै आएको थियो।
आजको पूर्ण इजलासले यसअघिका सबै आदेश खारेज गर्दै इन्नेसानपाओलोले रकम तिर्नुपर्ने जनाएको हो।
