नेपाल राष्ट्र बैंकले रेमिट्यान्स सेवालाई जारी राख्न निर्देशन दिएको छ। कोरोना भाइरस संक्रमणको जोखिम उच्च भएको भन्दै देशका विभिन्न ठाउँमा अहिले निषेधाज्ञा भएपनि सुरक्षा अपनाएर रेमिट्यान्स सेवा जारी राख्न बैंकले निर्देशन दिएको हो।
रेमिट्यान्स नआउँदा घर व्यवाहर नै चलाउन कठिन हुनसक्ने अवस्था आउने भएकाले आदेश पालना गर्दै सेवा जारी राख्न निर्देशन दिएको हो।
स्थानीय प्रशासनसँग समुन्वय गरी सम्भव भएसम्म निश्चित समयका लागि आलोपालो मिलाएर भएपनि भुक्तानीको व्यवस्था मिलाउन अनुमति लिएका संस्थाहरुलाई केन्द्रीय बैंकले निर्देशन दिएको हो।
त्यस्तै सकेसम्म बैंक तथा वित्तीय संस्थासँग समुन्वय गरी विदेशी मुद्रा सटही तथा भुक्तानी पनि त्यहीबाट भुक्तानीको व्यवस्था मिलाउन निर्देशन दिएको छ।
