आजदेखि एनएमबी बैंक र कञ्चन डेभलपमेन्ट बैंकको एकिकृत कारोबार हुने भएको छ।
गएको असारमा एनएमबीले कञ्चनलाई प्राप्ति गर्ने निर्णय गरेको थियो।
१००: ८५ को शेयर अनुपातमा एनएमबिमा गाभिएको कञ्चन डेभलपमेन्ट बैंक सुदूरपश्चिम क्षेत्रमा बलियो पकड रहेको थियो।
यो प्राप्तिपछि एनएमबी बैंकको चुक्ता पुँजी १४ अर्ब ४५ करोड भएको छ।
कञ्चन डेभलपमेन्ट बैंकलाई प्राप्तिपछि एनएमबी बैंकले १८६ शाखाहरु, ६ विस्तारित काउन्टरहरु र १३५ एटीएमहरुको सञ्जाल बनाएको छ।
