मंगलबार सेयर बजारको परिसूचक नेप्से ९ अंकले झरेको छ।
यस दिन ५ अर्ब ७१ करोड रुपैयाँको सेयर किनबेच भएको छ। कारोबार रकममा पनि अघिल्लो दिनको तुलनामा कमी आएको हो। हिजो ६ अर्ब ६६ करोड रुपैयाँको कारोबार भएको हो।
बैंकिङ ७, ब्यापार ८६, होटल ८, विकास बैंक ३१, फाइनान्स १५, निर्जीवन बीमा १३१, उत्पादन १०४, अन्य १८, माइक्रोफाइनान्स ३ र जीवन बीमा समूह १२० अंकले घटेका छन्।
यस दिन जलविद्युत समूह भने ८३ अंकले बढेको छ। माथिल्लो तामाकोसी, रसुवागढी हाइड्रोपावर, सान्जेन जलविद्युतका लगानीकर्ताले साढे ९ प्रतिशत बढी नाफा कमाए।
त्यस्तै अरुण भ्यालीको मूल्य ७ प्रतिशतले बढ्यो। अपि पावरको मूल्य ६ प्रतिशत बढेको छ। नारायणी डेभलपमेन्ट बैंकका लगानीकर्ताले सबैभन्दा धेरै १० प्रतिशत मूल्य कमाएका छन्।
यस दिन कारोबारका आधारमा पुनर्बीमा कम्पनी अग्रस्थानमा रह्यो। सो कम्पनीको ४५ करोड ८१ लाख रुपैयाँको कारोबार भयो। कम्पनीको मूल्य प्रतिकित्ता २५ रुपैयाँले घटेर १६०५ कायम भएको छ।
त्यस्तै नेपाल लाइफ इन्स्योरेन्सको ३१ करोड रुपैयाँको कारोबार भएको छ। सो कम्पनीको मूल्य प्रतिकित्ता १८७७ कायम भएको छ।
टेलिकमको २५ करोड रुपैयाँ बराबरको कारोबार भएको छ। कम्पनीको मूल्य प्रतिकित्ता १२०६ कायम भएको छ। शिवम् सिमेन्ट, माथिल्लो तामाकोसी पनि कारोबारका आधारमा अगाडि रहे।
