ग्लोबल आइएमई बैंकले बारपाक सुलिकोट गाउँपालिकाका किसानलाई कृषि तथा पशुपालन कर्जा दिने भएको छ। त्यसका लागि बैंक र गाउँपालिकाबीच सम्झौता भएको छ।
समझदारी अनुसार बैंकले आवश्यक प्रकृया पुरा गरेका कृषकहरुलाई परियोजनाको विशलेषणगरी न्यूनतम २ लाख रुपैयाँदेखि अधिकतम १० लाख रुपैयाँसम्म कर्जा दिइने छ।
कृषि कर्जामा बैंकको सहजीकरणले उद्यमशीलताको विकास गर्ने, स्वरोजगार बनाउने र स्थानीय निकायहरुलाई आत्मनिर्भर बनाउन सहयोग पुग्ने बैंकको विश्वास छ।
सम्झौता पत्रमा गाउँपालिकाको तर्फबाट पालिकाका अध्यक्ष विष्णुप्रसाद भट्ट तथा प्रमुख प्रशासकीय अधिकृत गौतम भण्डारी र बैंकको तर्फबाट बारपाक शाखा प्रबन्धक प्रदिप गुरुङ्ग तथा सुपरभाइजर तेजबहादुर थापाले हस्ताक्षर गरे।
