हिमालयन बैंकको संचालक समितिले सुनिलबहादुर थापाको संयोजकत्वमा मर्जर-एक्युजिसन उपसमिति गठन गरेको छ।
नेपालको वित्तिय क्षेत्रलाई सबल तथा सक्षम बनाउने उद्देश्यका साथ नेपाल राष्ट्र बैंकले अगाडि सारेको मर्जर-एक्युजिसनलाई प्रोत्साहन गर्ने नीतिअनुरूप बैंकले उपसमिति गठन गरेको हो।
बैंकका सञ्चालक थापाको संयोजकत्वमा गठित सो उपसमितिले मर्जर-एक्युजिसनका लागि उपयुक्त बैंक तथा वित्तीय संस्थाको खोजीका साथसाथै त्यसबारे अध्ययन विश्लेषणको कार्य गरिरहेको छ।
पछिल्लो समय दुई ठूला बैंक हिमालय र नेपाल इन्भेष्टमेन्ट बैंकबीच मर्जरका लागि वार्ता भइरहेको छ।
