प्रधानमन्त्री केपी शर्मा ओलीले संसद विघटनको सिफारिस गरेपछि सेयर बजारमा तीव्र गिरावट आएको छ।
यस दिन बजार खुलेदेखि नै ओरालो लागेको छ। दिउँसो १ः २२ बजेसम्म नेप्से ५२ अंकले घटेर १९७९ अंकमा कायम भएको छ। सो बेलासम्म उत्पादनबाहेकका सबै समूह ओरालो लागेका छन्।
बजार घटिरहँदा हिमालय डिस्टिलरीको मूल्य भने १० प्रतिशतले बढेको छ। माउन्टेन इनर्जीको मूल्य ९ प्रतिशतले घटेको अवस्था छ।
राजनीतिक घटनाक्रमका कारण यस दिन बजारमा प्रभाव परेको हो।
आइतबार बिहान बसेको मन्त्रिपरिषद बैठकले संसद विघटनका लागि राष्ट्रपतिलाई सिफारिस गर्ने निर्णय गरेको थियो। साथै बैशाखको अन्तिममा मध्यावधि चुनाव गर्न ओलीले प्रस्ताव समेत गरेका छन्।
