प्रभु लाइफ इन्स्योरेन्सले सर्वसाधारणमा निष्काशन गरेको प्राथमिक शेयर ५ लाख ४० हजार आवेदकले १० कित्ताका दरले पाएका छन्।
कम्पनीको शेयर विक्री प्रबन्धक सिद्धार्थ क्यापिटलले शुक्रबार बिहान ११ बजे शेयर बाँडफाँट गरेको हो।
कम्पनीको आइपिओमा १० लाख ५१ हजार २१६ जनाले आवेदन गरेकोमा २ हजार १६९ आवेदन रद्द भएका थिए। सदर आवेदन १० लाख ४९ हजार ४७ लाई गोलाप्रथाबाट उक्त शेयर वितरण गरिएको हो ।
कम्पनीको शेयरमा आवेदन भरेका ५ लाख ११ हजार २१६ जनाले शेयर पाएनन्। जसमा २ हजार १६९ आवेदन रद्द भएका थिए। आवेदन सदर भएका ५ लाख ९ हजार ४७ जनाले कम्पनीको आइपिओ पाउन सकेनन् ।
कम्पनीको आइपिओमा कुल १० लाख ५१ हजार ५१६ वटा आवेदनबाट सर्वसाधारणबाट माग गरिएको ५४ लाख कित्ताको ५.१६ गुणा बी अर्थात २ करोड ७८ लाख ६८ हजार ८८० कित्ता शेयरको माग परेको थियो। जसमध्ये २ हजार १६९ वटा आवेदबाट परेको ४७ हजार ७२० कित्ताको आवेदन रद्द भएको हो। दोहोरो आवेदनका कारण सो संख्यामा आवेदन रद्द भएको हो। बाँकी १० लाख ४९ हजार ०४७ वटा आवेदनबाट परेको २ करोड ७८ लाख २१ हजार १६० कित्ताको आवेदन सदर भएको थियो।
कम्पनीले मंसिर २९ गतेदेखि पुस २ गतेसम्म कुल ६० लाख कित्ता आइपीओ निष्काशनमा ल्याएको थियो। सो मध्ये सामुहिक लगानी कोष र कम्पनीका कर्मचारीलाई ३/३ लाख कित्ता छ्ट्टाएर ५४ लाख कित्ता शेयरका लागि सर्वसाधारणबाट आवेदन माग गरिएको थियो ।
आईपीओ बाँडफाँड भएपसँगै प्रभु लाइफको चुक्ता पूँजी दुई अर्ब पुगेको छ।
