एक सातामा २७ वाणिज्य बैंकहरुमा संकलन भएको निक्षेपभन्दा कर्जा प्रवाह बढेको छ।
बैंकहरुमा पुस ३ गतेदेखि १० गतेसम्म १२ अर्ब निक्षेप संकलन भएको छ भने सो अवधिमा १७ अर्ब रुपैयाँ कर्जा प्रवाह भएको छ।
नेपाल बैंकर्स एसोसिएसनका अनुसार पुस १० गतेसम्म बैंकहरुमा ३७ खर्ब २९ अर्ब रुपैयाँ निक्षेप संकलन भएको छ भने ३१ खर्ब ४० अर्ब कर्जा प्रवाह भएको छ।
पछिल्लो समय आर्थिक गतिविधि सल्बलाउन थालेसँगै कर्जाको माग बढेको बैंकहरुले जनाएका छन्।
विगत तीन साताको तथ्यांक हेर्दा पनि निक्षेपभन्दा कर्जा प्रवाह बढेको देखिन्छ। मंसिर १९ गतेदेखि पुस १० गतेसम्म ४४ अर्बले निक्षेप बढेको छ भने सो अवधिमा कर्जा ५६ अर्बले बढेको छ।
