बिहीबार सेयर बजारको परिसूचक नेप्से १६ अंकले घटेको छ। सो अंकको गिरावटपछि परिसूचक २४२५ अंकमा कायम भएको छ।
यस दिन परिसूचक घटे पनि कारोबार रकममा भने नयाँ रेकर्ड बनेको छ।
कुल ९ अर्ब ८९ करोड रुपैयाँ बराबरको सेयर किनबेच भएको छ। जुन रकम अहिलेसम्मकै उच्च हो। यसअघि एकैदिन ९ अर्ब ३७ करोड रुपैयाँसम्मको कारोबार भएको थियो।
यस दिन बैंकिङ ४१, ब्यापार ४, होटल २५, विकास बैंक ४३, जलविद्युत २२, फाइनान्स १८, अन्य ११ र जीवन बीमा समूह ४२ अंकले घटेको छ।
निर्जीवन बीमा समूह ४१०, उत्पादन समूह १६७ र माइक्रोफाइनान्स समूह ८७ अंकले घटेका छन्।
पाँच कम्पनीका लगानीकर्ताले १० प्रतिशत मूल्य कमाएका छन्।
यस दिन सूर्योदय लघुवित्त, सगरमाथा इन्स्योरेन्स, सपोर्ट माइक्रोफाइनान्स, प्रभु लाइफ इन्स्योरेन्स, आरम्भ चौतारी लघुवित्तको मूल्य १० प्रतिशतले बढेको छ।
सिद्धार्थ इक्वीटीको मूल्य ६.७ प्रतिशतले घटेको छ भने हिमालय पावर पार्टनरको मूल्य ६.२ प्रतिशतले घटेको छ।
कारोबारका आधारमा नेपाल लाइफ इन्स्योरेन्स अग्रस्थानमा रह्यो। सो कम्पनीको ५६ करोड ४८ लाख रुपैयाँ बराबरको कारोबार भयो भने पुनर्बीमा कम्पनी र हिमालय डिस्टिलरीको ३१ करोड रुपैयाँ बराबरको कारोबार भयो।
