माछापुच्छ्रे बैंकले राजधानि तीनकुनेस्थित हरित सामुदायिक कृषि बजारमा क्युआर कोड सेवा संचालनमा ल्याएको छ। डिजिटल बैंकिङ कारोबारलाई प्रोत्सहान गर्ने उद्देश्यले यो सेवा संचालनमा ल्याएको बैंकको भनाइ छ।
बुधबार बिहान नेपाल राष्ट्र बैंकका गभर्नर महाप्रसाद अधिकारीले उक्त सेवाको सुरुवात गरेका हुन्।
यससँगै उक्त बजारमा तरकारी तथा फलफुल किनेपछि उपभोक्ताले मोबाइल बैंकिङ एप्लिकेसन प्रयोग गरेर पसल संचालकलाई सिधैँ खातामा भुक्तानी गर्न सक्नेछन्।
यो बजारमा रहेका कुल १५३ तरकारी स्टलमध्ये १०० वटामा माछापुच्छ्रे बैंकको क्यूआर कोड सेवा सुरु भइसकेको छ।
