लक्ष्मी बैंकले एफ्–वान सफ्ट सँगको सहकार्यमा स्मार्ट फोनलोन सेवा सुरु गरेको छ।
स्मार्ट फोन लोन एक कर्जारुपी सेवा (लेन्डिङ एज अ सर्भिस) हो।
जसअन्तर्गत योग्य ग्राहकहरुले लक्ष्मी बैंकको मोबाईल मनी एपबाटै अधिकतम दुई लाखसम्मको कर्जा लिन सक्नेछन्।
कर्जाको मात्रा ग्राहकको खातामा भएको कारोबारको आधारमा तोकिने र सो गणना एपको ‘एनलाइटिक्स सफ्टवेर’ले गर्नेछ। हालका लागि यो सेवा बैंकमा तलब तथा बचत खाता हुने ग्राहकका लागि हुनेछ। विस्तारै अन्य ग्राहकहरुका लागि उपलब्ध गराउदैँ लगिने योजना बैंककाे छ।
आफ्ना सेवाहरुलाई डिजिटलमैत्री बनाउँदै ग्राहकहरुलाई सरल र सहज सेवा प्रदान गर्ने उद्देश्यले बैंकले नयाँ सेवा संचालनमा ल्याएको हो।
यो कर्जा पुरै डिजिटलमैत्री भएकाले कुनै कागजपत्र तथा निवेदन विना नै लिन सकिने बैंकको भनाइ छ।
पूर्वस्वीकृत हुने हुँदा कुनै धितोविना प्रदान गरिनेछ। सो कर्जा अधिकतम ३० दिनको अवधिका लागि प्रदान गरिनेछ। कर्जा उपलब्ध हुनेबित्तिकै ग्राहकको खातामा जम्मा हुने व्यवस्था रहेकाे बैंकले बताएकाे छ।
