कुमारी बैंक लिमिटेडको अगुवाइमा सहवित्तीयकरण कर्जा अन्तर्गत अपर राहुघाट जलविद्युत परियोजनाको लागी आवश्यक वित्तिय व्यावस्थापन गरिएको छ।
म्याग्दि जिल्ला भएर बग्ने राहुघाट खोलामा बन्न लागेको ४८.५० मेगावाट क्षमताको उक्त परियोजना तुदि पावर कम्पनी प्राइभेट लिमिटेडले निर्माण गर्न लागेको हो।
सहवित्तीयकरण सम्झौता अन्र्तगत कुमारी बैंकबाहेक ग्लोबल आइएमई बैंक, सह–अगुवाई बैंकको रुपमा रहेको छ।
अन्य सहभागी बैंकको रुपमा सिद्धार्थ बैंक, नेपाल क्रेडिट एण्ड कमर्ज बैंक र माछापुच्छ्रे बैंक रहेका छन्।
यस परियोजनाको कूल लागत खर्च ८ अर्व ३० करोड रुपैयाँमध्ये सहवित्तीयकरण बैंकहरुबाट जम्मा ऋण कर्जा ५ अर्व ८१ करोड प्रवाह हुनेछ।
प्रवद्र्धक कम्पनीको मुख्य लगानीकर्ताको रुपमा हिमालयन इन्फ्रास्ट्रक्चर फन्ड लिमिटेड, तुदी इन्भेष्टमेन्ट कम्पनी प्राईभेट लिमिटेड र महेश्वर प्रकाश श्रेष्ठ छन्।
वैदेशिक लगानीकर्ताको रुपमा चिनियाँ कम्पनी, सिचुवान जी अन्ताई एनर्जी डेभेलपमेन्ट कम्पनी लिमिटेड रहनेछ। परियोजनाबाट वि.स २०८० सम्म विद्युत उत्पादन गर्ने लक्ष्य लिइएको छ।
