राष्ट्रिय खाद्य बैंकको केन्द्रीय कार्यालय नयाँ बानेश्वरमा सञ्चालनमा आएको छ। दुई अर्ब लगानीमा उक्त कार्यालय स्थापना गरिएको हो।
जसको उद्देश्य देशब्यापी रुपमा व्यवसायिक कृषि उत्पादन गर्ने, भण्डारण तथा बजारीकरण गर्ने रहेको छ।
बैंकले कृषिमा परनिर्भरता घटाउने, कृषि उत्पादन बढाउने, रोजगारी बढाउने र अर्गानिक उत्पादनमा जोड दिएर जनस्वास्थ्यको विषयलाई सम्बोधन गर्ने लक्ष्य राखेको छ।
हालसम्म यस बैंकमा ५९० प्रमोर्टर शेयर सदस्य छन्। त्यसलाई बढाएर एक हजार प्रमोर्टर शेयर सदस्य बनाउने यसअघि नै बताइएको थियो।
सरकारी मापदण्ड पुरा गरेर केही बर्षभित्रै आइपिओमा जाने समेत बैंकको योजना छ।
