लक्ष्मी बैंकको प्रिमियम बचत खाता ‘अरेन्ज सेभिङ प्लस’मा ग्राहकले अब साढे ४ प्रतिशत ब्याजसहित थप आकर्षक सुविधा पाउने भएका छन्।
‘अरेन्ज सेभिङ प्लस’ खाता भएका ग्राहकले १ लाख रुपैयाँसम्मको वार्षिक स्वास्थ्य बीमा र १० लाख रुपैयाँसम्मको दुर्घटना मृत्यु/अक्षमता बीमा सुविधा पाउने छन्।
यति मात्र नभएर डेबिट कार्ड, क्रेडिट कार्ड र डलर ट्राभल कार्ड पनि निशुल्क पाउने छन्। लक्ष्मी बैंकको डेबिट कार्ड नेपालभर कुनै पनि एटिएममा प्रयोग गर्दा लाग्ने शुल्क फिर्ता हुने गर्दछ।
अझ नयाँ वर्षको अफर अन्तर्गत वैशाख महिनाभर ‘अरेन्ज सेभिङ प्लस’ खाता खोल्ने ग्राहकले लक्ष्मी बैंकको प्रिपेड डलर कार्ड ‘अरेन्ज कार्ड’ निशुल्क प्राप्त गर्नेछन्। सो अफर अरेन्ज सेभिङ प्लस वर्तमान ग्राहकहरुको लागि पनि लागू हुने बैंकले जनाएको छ।
यसै गरी विभिन्न संघसंस्थामा कार्यरत कर्मचारीहरुको लागि ल्याइएको विशेष खाता ‘शुभश्री लक्ष्मी बचत खाता’ मा पनि बैंकले विभिन्न सुविधाका साथमा ४.५ प्रतिशतको उच्च ब्याज दर प्रदान गरिरहेको छ।
