सानिमा लाइफ इन्स्योरेन्स लिमिटेडले एनसिएचएलसँग सम्झौता गरेको छ। आफ्ना भुक्तानी सम्बन्धी कारोबारलाई नेपाल क्लियरिङ्ग हाउसको नेशनल पेमेन्ट्स इन्टरफेस (एनपिआइ) प्रयोग गरेर डिजिटल माध्यमबाट भुक्तानी गर्न सक्ने गरी सम्झौता भएको हो।
सम्झौता पत्रमा सानिमा लाइफका तर्फबाट संस्थाका प्रमुख कार्यकारी अधिकृत अगम मुखिया र एनसिएचएलका तर्फबाट संस्थाका प्रमुख कार्यकारी अधिकृत नीलेश मान सिंह प्रधानले हस्ताक्षर गरे।
सानिमा लाइफले आफ्नो आन्तरिक भुक्तानी प्रणालीलाई एनपिआइसँग जोडेपछि इन्स्योरेन्स दाबी भुक्तानी, एजेन्ट कमिसन, तलब, भन्डर भुक्तानी लगायत लगानी ट्रान्सफर सम्बन्धी कारोबारहरु रियल–टाइम तथा नन–रियलटाइममा आबद्ध बैंक खाताहरुबाट सिधैँ गर्न सकिन्छ।
यी सबै कारोबारहरु सोझै इन्स्योरेन्स कम्पनी तथा लाभग्राहीहरुका बैंक खाताहरुबाट हुने कम्पनीको भनाइ छ।
साथै सानिमा लाइफका बीमितहरुले आफ्नो बीमा (प्रिमियम) शूल्कको अन्लाईन भुक्तानी कनेक्टआइपिएसको वेब मोबाइल एप तथा सदस्य बैंक वित्तिय संस्थाहरुको शाखाबाट गर्दै आएका छन्।
