लक्ष्मी बैंकले एपिआई बैंकिङको माध्यमबाट डिजिटल प्रविधिको प्रयोग बढाउने रणनीतिबमोजिम 'एलएक्स बी कनेक्ट' नामक प्लाटफर्म घोषणा गरी साझेदारीका लागि आह्वान गरेको छ।
यस साझेदारी अन्तर्गत फिन्टेक, स्टार्टअप तथा डेभलपरहरुले आफ्नो क्षेत्रसँग सम्बन्धित बैंकका साझा ग्राहकलाई विविध डिजिटल सेवा प्रदान गर्न सक्नेछन्।
'एलएक्सबी कनेक्ट सान्डबक्स इन्भाइरोमेन्ट'अन्तर्गत इच्छुक साझेदारहरुले बैंकिङ्ग सेवा तथा प्रणालीलाई दृष्टिगत गरी एपिआईसँग सम्बन्धित कार्यसँग एकीकरणको सम्भावनाहरुलाई कार्यान्वयन गर्न तथा आफू अनुकूल प्रयोग गर्न सक्नेछन्।
लक्ष्मी बैंकले निम्नबमोजिम खाता व्यवस्थापन, वित्तीय तथा गैरवित्तीय गरी ३ वर्गको प्रयोग हुने गरी एपिआईमा पहुँच प्रदान गर्ने छः
खाता व्यवस्थापनः खाता खोल्ने, खाता व्यवस्थापन गर्ने, ग्राहक पोर्टफोलियो बनाउने।
वित्तीयः हितग्राही व्यवस्थापन, रकम ट्रान्स्फर, बिल भुक्तानी, नियमित (रिकरिंग) भुक्तानी, रेमिट्यान्स भुक्तानी, तलब भुक्तानी, सेटलमेन्ट आदि।
गैरवित्तीयः विनिमय दर, शाखा÷ एटिएमहरुको जानकारी, प्रमाणिकरण, रिकन्सिलियसन, स्टेटमेन्ट आदि।
सन् २००२ मा स्थापना भएको लक्ष्मी बैंकका हाल देशभर १२९ शाखाहरु, ५ हस्पिटल काउन्टर, १५८ एटिएम तथा २५०० भन्दा बढी रेमिट्यान्स, ६१ शाखारहित बैंकिङ्ग सेवा, ४०० भन्दा बढी मोबाइल एजेन्ट छन्।
बैंकले आर्थिक वर्ष २०१९/२० मा आफ्नो ब्यालेन्सिटको आकार १२९ अर्ब पुर्याएको छ। जसमा १००.०७ अर्ब डिपोजिट तथा ८९.८९ अर्ब कर्जा रहेको छ।
तुलनात्मक रुपमा छोटो इतिहासको बाबजुद पनि रिटेल, कर्पाेरेट तथा ट्रेजरी जस्ता सम्पूर्ण व्यावसायिक क्षेत्रमा सेवा पुर्याउने एक प्रमुख बैंकिङ्ग सेवा प्रदायकको रुपमा बैंक अगाडि आएको छ।
उच्चस्तरीय संस्थागत सु–शासान संस्कार, जोखिम व्यवस्थापन प्रणाली र सक्षम प्रविधि लगायत उत्तम व्यवस्थापन भएको बैंकको रुपमा लक्ष्मी बैंक परिचित छ। लक्ष्मी लघुवित्त वित्तीय संस्था र लक्ष्मी क्यापिटल बैंकका भागिनी संस्था हुन्।