बीमा क्षेत्रको सेलिब्रेटी सिईओको रुपमा परिचित विवेक झा सूर्या लाइफ इन्स्योरेन्सको सक्रिय सञ्चालकको भूमिकामा रहने भएका छन्।
विशाल ग्रुपको लगानी रहेको सूर्या लाइफ इन्स्योरेन्सको सञ्चालकमा विवेक झा नियुक्त भएका हुन्।
कम्पनीको शुक्रबार बसेको २९१ औं सञ्चालक समितिको बैठकले रिक्त रहेको सञ्चालक पदमा उनलाई नियुक्त गरेको हो।
सरकारात्मक सोचाइ राख्ने विवेक झा संस्थापक समुहबाट प्रतिनिधित्व हुने गरी सञ्चालक बनेका हुन्।
विवेक झा माछापुच्छ्रे बैंक हुँदै करिव ११ वर्षअघि नेपाल लाइफ इन्स्योरेन्समा आएका थिए।
माछापुच्छ्रे बैंकमा २ वर्ष काम गरेका विवेक झाले एक दशक (१० वर्ष) लामो नेतृत्वदायी भूमिका निर्वाह गरी नेपाल लाइफलाई बीमा क्षेत्रको सर्वोच्च स्थानमा पुर्याएका थिए।
२ कार्यकाल सीईओ बनेर बीमा समितिको संस्थागत सुसाशन अनुसार कार्यकाल सकाएर नेपाल लाइफबाट बिदा भए।
गत साउन १ गतेबाट बीमा क्षेत्रमा नदेखिएका विवेक झा अहिले सूर्या लाइफको संचालक हुने भएका छन्।
