लमजुङ जिल्लामा माउण्ट रसुवा हाइड्रोपावरले निर्माण गर्ने मिदिम खोला–१ जलविद्युत आयोजनाका लागि ऋण लगानी जुटेको छ।
लमजुङ जिल्लाको कव्होलासोथार र मस्र्याङदी गाउँपालिकामा अवस्थित मिदिम खोलामा निर्माण हुने १३.४२४ मेगावाटको आयोजनाको लागि लक्ष्मी बैंकले ऋण लगानी गर्ने भएको हो।
ऋण लगानी सम्वन्धी सम्झौतामा आयोजना र बैंकबीच हस्ताक्षर सम्पन्न भएको छ। उक्त आयोजनाको निर्माण लागत २ अर्ब ९३ करोड ८२ लाख रहेकोछ।
माउण्ट रसुवा हाइड्रोपावर र नेपाल विद्युत प्राधिकरणबीच विद्युत खरिदसम्वन्धी २०७५ साल माघ ७ गते सम्झौता भएको थियो।
उक्त आयोजना निर्माणको लागि उर्जा मन्त्रालयबाट ०७७ कात्तिक ३ गतेका दिन विद्युत उत्पादन अनुमति प्राप्त गरेको हो। माउण्ट रसुवा हाइड्रोपावरलाई रसुवा कन्स्ट्रकशन प्रा.लि. लगायत अन्य व्यक्तिहरुले प्रवद्र्धन गरेका छन्। बैंकहरुले आयोजना लागतको ७० प्रतिशत र बाँकी ३० प्रतिशत कम्पनीको स्व. लगानी रहनेछ ।
यो आयोजना २०२३ जुलाई २० मा संचालनमा आउने लक्ष्य लिइएको छ।
