यस दिन बैंकिङ समूह ११ अंकले घटे पनि सेयर बजारको परिसूचक नेप्से भने ५.७ अंकले बढेको छ।
धेरै पुँजीकरणका कारण बजारमा बैंकिङ समूहको उच्च प्रभाव पर्ने गर्दछ। तर सोमबारको बजारमा अरु समूहको प्रभाव देखिएको छ।
५ अंकले बढेर बजार ३१६० अंकमा पुगेको छ। यस दिन कारोबार रकम भने निकै खुम्चिएको छ। हिजो सबैभन्दा धेरै २१ अर्ब ६२ करोडको कारोबार भएकोमा यस दिन १५ अर्ब ९० करोडको कारोबार भयो।
बैंकिङ समूहका अलवा होटल तथा पर्यटन ३२, फाइनान्स २८, निर्जीवन बीमा ६७, जीवन बीमा १७२ अंकले घटे।
ब्यापार ६४, विकास बैंक ७४, जलविद्युत ४०, उत्पादन १५८, अन्य ३, माइक्रोफाइनान्स समूह ५६ अंकले बढे।
यस दिन ५ कम्पनीको मूल्य १० प्रतिशतले बढेको छ।
नेसनल हाइड्रोपावर, कर्पोरेट डेभलपमेन्ट बैंक, रिडी हाइड्रोपावर, खानीखोला हाइड्रोपावर र जीवन विकास लघुवित्तको मूल्य भने १० प्रतिशतले बढेको छ। रुरु जलविद्युतको मूल्य साढे ९ प्रतिशतले बढेको छ।
आइसिएफसी फाइनान्सको मूल्य ६ प्रतिशतले घट्यो। माउन्टेन इनर्जीको ५.३ तथा युनियन लाइफ इन्स्योरेन्सको मूल्य साढे ४ प्रतिशतले घट्यो।
यसअघि हिजोसम्म युनियन लाइफको मूल्य १० प्रतिशतले बढेको थियो। आज राम्रो मूल्य पाएपछि बेच्नेहरु सक्रिय हुँदा मूल्यमा गिरावट आएको हो।
कारोबारका आधारमा नेसनल हाइड्रोपावर अग्रस्थानमा रह्यो। सो कम्पनीको ७४ करोडको कारोबार हुँदा दोस्रोमा रहेको नेपाल बैंकको ६४ करोडको कारोबार भयो। जलविद्युत लगानी तथा विकास कम्पनीको ५४ करोडको कारोबार भयो।
