कुमारी बैंक र वायुसेवा कम्पनी यती एयरलाइन्सले व्यवसायिक साझेदारी गर्दै संयुक्त रुपमा स्विप एण्ड फ्लाइ क्याम्पेनको सुरुआत गरेको छ।
यती एयरलाइन्सको स्काई क्लब कार्ड र कुमारी बैंकको डेबिट कार्डलाई एकिकृत गरेर कुमारी स्काई क्लब कार्ड जारी गरी दुवै कार्डको सुविधा एउटै कार्डबाट प्राप्त गर्न सकिने व्यवस्था गरिएको हो।
यस कुमारी स्काई क्लब कार्डबाट जुनसुकै खरिदको भुक्तानी गर्दा प्राप्त हुने अंकहरुबाट ग्राहकहरुले यती एयरलाइन्सको हवाई टिकट निःशुल्क प्राप्त गर्न सक्ने व्यवस्था गरिएको छ।
कार्यक्रम सम्बन्धमा कुमारी बैंकका निमित्त प्रमुख कार्यकारी अधिकृत अनुजमणि तिमिल्सिनाले कुमारी स्काइ क्लब कार्डका वाहकहरुले अब हरेक खरिदमा यो कार्डबाट भुक्तानी गर्दा हवाइ यात्रा नगर्दा पनि हवाइ यात्रा गरे सरह नै निश्चित अंक प्राप्त गरिने भएकोले हवाइयात्रा गर्न कुमारी बैंकका ग्राहकहरु समेत प्रोत्साहित हुने बताए।
योजनामा सहभागी हुने सेवाग्राहीले अब एउटै कार्डबाट दुवै सुविधा प्राप्त गर्न सकिने भएकोले बैंक र एयरलाइन्सको साझेदार ग्राहकहरुले जुनसकै खरिदको भुक्तानी कार्डबाट गर्दा प्रत्येक १०० रुपैयाँ बराबर १ अंक प्राप्त हुने र सो अंक यती एयरलाइन्सको स्काई क्लबमा स्वतः स्थानान्तरण हुनेछ।
निश्चित माइलेज अंक जम्मा भइसकेपछि साझेदार ग्राहकहरुले सजिलै उपभोग गर्न सक्नेछन्। र आवश्यकताअनुसार यती एयरलाइन्सको आन्तरिक हवाइ टिकट निःशुल्क प्राप्त गर्न सकिनेछ।
