महालक्ष्मी विकास बैंकले हाल सञ्चालनमा रहेको मोबाइल बैंकिङ्ग सेवालाई स्तरोन्नत्ती गरेको छ। सोमबार उक्त सेवालाई प्रतिस्थापन गर्दै अम्नी च्यानलमा आधारित अत्याधुनिक बैंकएक्सपी सिस्टममा स्तरोन्नत्ती गरेको हो।
बैंकले प्रदान गर्दै आएको मोबाइल बैंकिङ्ग सेवालाइ थप प्रविधिमैत्री एवंम समयसापक्ष बनाउने उद्देश्यले प्रतिस्थापन गरिएको हो। यसबाट ग्राहकलाई डिजिटल कारोवार गर्दा छिटो र सहज हुने विश्वास बैंकले लिएको छ।
यस्तो सेवाको सुरुवातसँगै अब ग्राहकहरुले बैंकको मोबाइल बैंकिङ्ग सुविधा मोबाइलसहित वेब ब्राउजरका माध्यमबाट समेत लिन सकिन्छ।
उक्त सेवाअन्तर्गत बैंकमा खाता नै नभएका ग्राहकले पनि बैंकिङ्ग कारोबार गर्न सक्नेछन्। यो सेवामा रहेको ई क्यास सुविधा अन्तर्गत खता नभएकालाई मोबाइल नं को आधारमा रकम पठाउन सकिने प्रबन्ध मिलाइएको छ। साथै इ–भौचर सुविधाले बैंकमा आएर भौचर भर्नुपर्ने अवस्थाको समेत अन्त्य गर्ने छ।
सेवाअन्तर्गत ग्राहकहरुले मुद्दती खाता खोल्ने, खाताको विवरण हेर्ने, रकमान्तर गर्ने, अनलाइन भुक्तानी गर्ने, क्यूआर कोड मार्फत भुक्तानी गर्ने लगायतका विभिन्न उपयोगी सेवाहरु प्राप्त गर्न सक्नेछन्।
अब ग्राहकहरुले बैंकमा नगई मोवाईल वा कम्प्यूटरका माध्यमबाट विभिन्न बैंकिङ्ग सेवाहरु सहज रुपमा प्राप्त गर्न सक्ने विश्वास बैंकले लिएको छ। यस सेवालाई प्रयोग गर्नका लागि महालक्ष्मी बैंकएक्सपी डाउन गर्न सकिन्छ। बैंकको वेवसाइटबाट पनि सेवा लिन सकिन्छ।
यो बैंकको कुल १०३ वटा शाखा छ।
