आज सेयर बजार नेप्से परिसूचक १७ दशमलव ९३ घटेर २३५८ दशमलव ८१ को विन्दूमा झरेको छ। उत्पादनमुलक र माइक्रोफाइनानस बाहेक सबै उपसमुह घटेका छन्।
दिनभरिमा २३१ वटा कम्पनीको ५४ करोड ३९ लाख ८७ कित्ता सेयर किनबेच हुँदा दुई अर्ब ४६ करोड ४६ लाख ८९ हजार रुपैयाँको सेयर कारोबार भएको छ।
नेपाल स्टक एक्सचेन्जकाअनुसार आज सबैभन्दा धेरै गोर्खाज फाइनान्स कम्पनीको शेयर कारोबार भएको छ। कम्पनीको १९ करोड २७ लाख १० हजार रुपैयाँको सेयर कारोबार भएको छ।
त्यस्तै आज हिमालयन डिस्टीलरीको १८ करोड ६६ लाख ४१ हजार, कृषि विकास बैंकको नौ करोड ४४ दाख ९९ हजार, नविल बैंकको आठ करोड ३६ लाख ७८ हजार, मञ्जुश्री फाइनान्स कम्पनीको सात करोड पाँच लाख ६७ हजार रुपैयाँको सेयर कारोबार भएको छ।
आज सबैभन्दा धेरै गोर्खाज फाइनान्स कम्पनी र हिमालयन डिस्टीलरीका लगानीकर्ताले कमाएका छन्। दुबै कम्पनीका लगानीकर्ताले १० प्रतिशतका दरले कमाएका हुन्। माउन्टेन इनर्जी कम्पनीका लगानीकर्ताले भने आज सबैभन्दा धेरै ६ प्रतिशतले गुमाएका छन्।
