साताको तेस्रो दिन मंगलबार सेयर बजार घटेको छ। आज सेयर बजार नेप्से सूचक २ दशमलव ६६ अंकले घटेर २५१८ दशमलव ९९ अंकमा झरेको छ।
दिनभरीमा २३० कम्पनीको ५८ लाख २८ हजार ७८३ सेयर किनबेच हुँदा ३ अर्ब १२ करोड ५५ लाख ७५ हजार ६३१ रुपैयाँको कारोबार भएको छ। आज कारोबारमा आएका १३ उपसमूहमा ६ उपसमूहको सूचक सकारात्मक देखिएको छ भने बाँकी ७ उपसमूहको सूचक नकारात्मक देखिएको छ।
त्यस्तै आज हिमालयन डिस्टीलरीको सबैभन्दा धेरै सेयर कारोबार भएको छ। कम्पनीको २६ करोड ३९ लाख रुपैयाँ बराबरको सेयर कारोबार भएको हो। त्यस्तै नबिल बैंकको २५ करोड ३७ लाख, नेपाल पुनर्बीमा कम्पनीको १२ करोड ८४ लाख र मञ्जुश्री फइनान्सको १२ करोड ४५ लाख रुपैयाँ बराबरको सेयर कारोबार भएको छ।
आज मध्य भोटेकोशीको सेयरमूल्य सबैभन्दा धेरै १० प्रतिशतले बढेको छ। त्यस्तै नेपाल हाइड्रो डेभलपर्सको ५ दशमलव ३६ प्रतिशत, जानकी फाइनान्सको ४ दशमलव ८५ प्रतिशत, गुडविल फाइनान्सको ४ दशमलव २८ प्रतिशत ४ दशमलव २८ प्रतिशतले बढेको छ।
त्यस्तैगरी गोर्खाज फाइनान्सको सेयरमूल्य सबैभन्दा धेरै ९ दशमलव ९९ प्रतिशतले घटेको छ भने सामलिङ्ग पावरको ६ दशमलव ०४ प्रतिशत, मैलुङ खोला जलविद्युतको ४ दशमलव ८८ प्रतिशत र युनाइटेड इदि मर्दी हाइड्रोपावरको ४ दशमलव ८८ प्रतिशतले घटेको छ।
