मंसिर महिनाको प्रथम बीमा शुल्क संकलनमा नेपाल लाइफ इन्स्योरेन्स कम्पनीले अग्रता लिएको छ।
नेपाल लाइफले मंसिर महिनाको प्रथम बीमा शुल्क संकलनमा फड्को मारेर प्रथम बीमाशुल्क आर्जन गर्न सफल भएको बताएको छ।
कम्पनीले आर्थिक वर्षको पहिलो पाँच महिना अर्थात मंसिर अन्त्यसम्मको अवधिमा २ अर्ब ९८ करोड रुपैयाँ प्रथम बीमाशुल्क आर्जन गर्न सफल भएको जानकारी गराएको छ।
आगामी दिनमा यसलाई अरु बढाउने योजनाका साथ काम गरेको कम्पनीको भनाइ छ। जीवन बीमाको विश्वसनीयता तथा जीवन बीमामा आकर्षण बढाउने उद्देश्यले कम्पनीले पुष ६ गतेदेखि नेपालकै नं. १ अभियान सार्वजनिक गरेको थियो।
कम्पनीका कार्यवाहक प्रमुख कार्यकारी अधिकृत सुशिल कुमार चौधरीले अभियानमार्फत कम्पनीलाई यस उचाईसम्म पुर्याउन सकिएको दाबी गरे।
आ.व. २०७८/७९ को पहिलो त्रैमास अन्त्यसम्म कम्पनीसँग ११८.७६ अर्बको सर्वाधिक जीवन बीमा कोष, २९ लाख ८३ हजार १६ सर्वाधिक बीमालेख जारी, ४०.५० अर्ब रुपैयाँको सर्वाधिक दावी भुक्तानी, ७.१९ अर्बको सर्वाधिक चुक्ता पुँजी रहेको छ। साथै अधिकांश सुचाकंले नेपाल लाइफ जीवन बीमा क्षेत्रमा अब्बल सावित भएको कम्पनीले बताएको छ।
