बुधवार सेयर बजार सामान्य अंकले बढेको छ। सेयर बजार नेप्से परिसूचक ५ दशमलव ५१ अंकले बढेर २,५२४ दशमलव ५० को विन्दुमा पुगेको छ। आज ट्रेडिङ, विकास बैंक, फाइनान्स, जीवन बीमा तथा इन्भेष्टमेन्ट उपसूचक घटेका छन् भन बाँकी उपससूचक बढेका छन्।
दिनभरिमा २२८ वटा कम्पनीको ५६ लाख ३८ हजार २७९ कित्ता सेयर किनबेच हुँदा ३ अर्ब ६२ करोड ३४ लाख ८० हजार रुपैयाँको सेयर कारोबार भएको छ।
आज सबैभन्दा धेरै हिमालयन डिष्टिलरीको कम्पनीको ५२ करोड ५५ लाख रुपैयाँको सेयर कारोबार भएको छ।
त्यस्तै, नविल बैंकको ४७ करोड ७१ लाख, मञ्जुश्री फाइनान्स कम्पनको २२ करोड ३१ लाख, नेपाल बङलादेश बैंकको २० करोड ६३ लाख र शिवम् सिमेन्टको १२ करोड ४० लाख ५५ हजार रुपैयाँको सेयर कारोबार भएको छ।
सबैभन्दा बढी मध्य भोटेकोशी जलविद्युत आयोजनाका लगानीकर्ताले सबैभन्दा बढी ९ दशमलव ९९ प्रतिशतले कमाएका छन्। त्यस्तै नेपाल बंगलादेश बैंकका लगानीकर्ताले ९ दशमलव ०८ प्रतिशत र प्रिमियर इन्स्युरेन्स कम्पनीका लगानकर्ताले ६ दशलमव ५९ प्रतिशतले कमाएका छन्।
त्यसैगरी नारायण्ी विकास बैंकका लगानीकर्ताले सबैभन्दा बढी ३ दशमलव ३९ प्रतिशतले गुमाएका छन्।
