मेगा बैंककी प्रमुख कार्यकारी अधिकृत अनुपमा खुञ्जेली उत्कृष्ट महिला अवार्ड २०२१ बाट सम्मानित भएकी छन्। उनलाई ‘एचआरएम नेपाल अवार्ड फर कर्पाेरेट एक्सिलेन्स २०२१’ मा 'बेस्ट फिमेल अवार्ड' बाट सम्मानित गरिएको हो।
अनुपमालाई बैंकिङ क्षेत्रमा उत्कृष्ट कार्य गरेबापत अवार्डबाट सम्मानित गरिएको हो। काठमाडौंमा आयोजित अवार्ड वितरण कार्यक्रममा प्रधानमन्त्री शेरबहादुर देउवाको समेत उपस्थिति थियो।
अवार्ड प्राप्त गरेपछि खुसी व्यक्त गर्दै अनुपमाले अवार्ड पाएसँगै आफूले थप जिम्मेवारी बोध गरेको बताइन्।
सिइओ खुञ्जेली नेपालको ‘क’ वर्गको वाणिज्य बैंकको प्रथम महिला सिइओ हुन्। उनको नेतृत्वमा मेगा बैंकले प्रतिष्ठित ‘बैंक अफ दि एयर अवार्ड २०१९’ पाएको छ। उनी स्थापनाकालदेखि नै मेगा बैंकमा कार्यरत छन्।
उनले आफ्नो करिअर सन् १९९१ मा तत्कालिन ग्रिनलेज बैंक अर्थात अहिलेको स्ट्यान्डर्ड चार्टर्ड बैंकबाट सुरु गरेकी हुन्।
