शिवम् सिमेन्टले देशका विभिन्न ५२ स्थानहरूमा रहेका ३ हजार ४५ निर्माण कर्मीहरूसँग निर्माणसम्बन्धी प्राविधिक अन्तरक्रिया कार्यक्रमा सम्पन्न गरेको छ।
योसँगै कम्पनीले दैनिक निर्माण कार्यमा खट्ने निर्माणकर्मीहरूका लागि ५ लाख रुपैयाँ बराबरको जोखिम बीमा गराएको छ।
कार्यक्रममा सिमेन्टसम्बन्धी जानकारी, निर्माण सामाग्रीको गुणस्तर मापन तथा छनौट प्रक्रिया, निर्माणकर्मीहरूलाई दिनहुँ आइपर्ने निर्माणसम्बन्धी समस्याहरूको समाधानका उपाय, भवन निर्माणसम्बन्धी प्राविधिक परामर्श र सिमेन्ट भण्डारणसम्बन्धी विस्तृत जानकारी गराइएको थियो।
साथै, कम्पनीले हरेक सहभागी निर्माणकर्मीहरूको लागि ५ लाख रुपैयाँ बराबरको दुर्घटना बीमा गरी बीमा पोलिसी सोही कार्यक्रममार्फत हस्तान्तरण गरिएको हो। निर्माणकर्मीहरूको हरेक दिन जोखिमपूर्ण हुन्छ। उक्त जोखिमलाई मध्यनजर गर्दै शिवम् सिमेन्टले निर्माणकर्मीहरूका लागि निःशुल्क दुर्घटना बीमा योजना ल्याएको कम्पनीले बताएको छ।
शिवम् सिमेन्टले विभिन्न चरणमा आफ्नो बिक्रि क्षेत्रअन्तर्गत संखुवासभा, सुनसरी, मोरङ, ओखलढुङ्गा, सिराहा, सप्तरी, महोत्तरी, धनुषा, चितवन, मकवानपुर, बारा, पर्सा, रौतहट, गोरखा, तनहुँ, बाग्लुङ, बेनी, स्याङ्जा, धादिङ, नुवाकोट, काठमाडौं, ललितपुर तथा भक्तपुरलगाएतका जिल्लाहरूको विभिन्न ५२ स्थानमा उक्त निर्माण परामर्श कार्यक्रम संचालन गरेको हो।
