सानिमा बैंकले सोमबार कावासोती, बर्दिबास र अत्तरियामा बैंक शाखा सञ्चालनमा ल्याएको छ। योसँगै बैंकले यी ठाउँहरूमा आफ्नो सेवा विस्तार गरेको छ।
नवलपुरस्थित कावासोती शाखाको उद्घाटन कावासोती नगरपालिकाका मेयर चन्द्र कुमारी पुन, महोत्तरीस्थित बर्दिबास शाखाको उद्घाटन बर्दिबास नगरपालिकाका मेयर बिदुर कुमार कार्की र अत्तरियास्थित अत्तरिया शाखा गोदावरी नगरपालिकाका मेयर हरि सिंह साउद र उद्योग वाणिज्य संघका अध्यक्ष अशोक राज देवकोटाले संयुक्त रुपमा उद्घाटन गरेका हुन्।
उद्घाटन समारोहमा मेयर पुन, कार्की र साउद र अध्यक्ष देवकोटाले सानिमा बैंकलाई आफ्नो क्षेत्रमा बैंक शाखा पुगेको र कोभिड-१९को जोखिम न्यूनीकरण गर्न सुरक्षा सावधानीका उपायहरू अपनाएर व्यवस्थित गरेकोमा आभार व्यक्त गरेका छन्।
बैंकले पनि यी शाखाहरू संचालनमा आएसँगै सो क्षेत्रका बासिन्दाहरूलाई गुणस्तरीय बैंकिङ सेवामा सहज पहुँच हुने विश्वास राखेको छ।
सानिमा बैंकको देशका सातै प्रदेशमा १ सय २२ कार्यालय र १०२ वटा एटिएम संचालनमा छन्।
