सोमबार सेयर बजार बढेको छ। आज सेयर बजारको परिसूचक १५.७१ अंकले बढेर २८५१.८८ पुगेको हो।
दिनभरमा २२४ कम्पनीको ९५ लाख १२ हजार ५८० सेयर किनबेच हुँदा ५ अर्ब २ करोड २० लाख १७ हजार १८० रुपैयाँ ७२ पैसाको कारोबार भएको छ।
कारोबार भएका कुल कम्पनीमध्ये १०५ कम्पनीको मूल्य बढेको छ भने ७० कम्पनीको मूल्य घटेको छ। बाँकी १५ कम्पनीको मूल्य स्थिर छ।
आज कारोबारमा आएका १३ वटा उपसमूहहरूमध्ये तीन वटा उपसमूहको सूचक नकारात्मक देखिएको छ भने बाकीँ दश वटा उपसमूहको सूचक सकारात्मक देखिएको छ। सकारात्मक देखिएको उपसमूहहरूमध्ये इनभेस्टमेन्टको ३.०६ प्रतिशत र अन्यको २.४१ ले बढेको छ। यसबाहेक अरू उपसमूहको सूचक एक प्रतिशतभन्दा कम प्रतिशतले मात्रै बढेको छ।
त्यस्तै, आज बैंकिङ, होटल एन्ड टुरिजम र माइक्रोफाइन्यान्सको सूचक नकारात्मक देखिएको हो।
आज निफ्राको सेयर ८.४२ प्रतिशतले बढेको छ।
नेपाल स्टक एक्सचेन्जकाअनुसार सोमबार निफ्राको सबैभन्दा धेरै सेयर कारोबार भएको छ। कम्पनीको ४९ करोड ३४ लाख ४९ हजार ८३० रुपैयाँ ८० पैसाको कारोबार भएको हो।
यसपछि नेसनल हाइड्रोपावर कम्पनीको २७ करोड ६६ लाख २५ हजार २९५ रुपैयाँ, अरुन भ्याली हाइड्रोपावरको २५ करोड १६ लाख ६४ हजार ७३२ रुपैयाँ ८० पैसा, एनटिसीको २४ करोड ४८ लाख ५० हजार ८३१ रुपैयाँ ८० पैसा र नेपाल लाइफ इन्स्योरेन्सको २३ करोड ३० लाख १२ हजार ४०३ रुपैयाँ २० पैसाको कारोबार भएको छ।
