बुधबार सेयर बजार घटेको छ। आज सेयर बजारको परिसूचक २२.११ अंकले घटेर २८१३.४७ पुगेको हो।
दिनभरमा २२३ कम्पनीको १ करोड ६ लाख ५१ हजार ७५४ सेयर किनबेच हुँदा ५ अर्ब ८३ करोड ६४ लाख १४ हजार ५१० रुपैयाँ ४७ पैसाको कारोबार भएको छ।
कारोबार भएका कुल कम्पनीमध्ये १६५ कम्पनीको मूल्य घटेको छ भने जम्मा २० कम्पनीको मूल्य बढेको छ। बाँकी ६ कम्पनीको मूल्य स्थिर छ।
आज कारोबारमा आएका १३ वटा उपसमूहहरूमध्ये सबै उपसमूहको सूचक नकारात्मक देखिएको छ।
बुधबार लिबर्टी इनर्जी कम्पनीको सेयर ३.०८ प्रतिशतले बढेको छ भने आरम्भ चौतारी लघुवित्त वित्तीय संस्थाको २.८० प्रतिशतले बढेको छ। बाँकी कम्पनीको सेयर २ प्रतिशतभन्दा कमले मात्रै बढेको छ।
नेपाल स्टक एक्सचेन्जकाअनुसार आज अरुन भ्याली हाइड्रोपावरको सबैभन्दा धेरै सेयर कारोबार भएको छ। कम्पनीको १८ करोड ६१ लाख ६९ हजार ७६५ रुपैयाँ ३० पैसाको कारोबार भएको हो।
यसपछि, एनटिसीको १४ करोड ५९ लाख ५७ हजार २१७ रुपैयाँ ५० पैसा, नेसनल हाइड्रोपावर कम्पनीको १४ करोड ४७ लाख १३ हजार ३९८ रुपैयाँ १० पैसा, निफ्राको १४ करोड १३ लाख ४० हजार ४५२ रुपैयाँ ५० पैसा र हाइड्रो इलेक्ट्रिसिटी एन्ड डेभलप्मेन्ट कम्पनीको ११ करोड २ लाख ६३ हजार ७४४ रुपैयाँ ५० पैसाको कारोबार भएको छ।
