नेपालका लागि अशोक लेल्यान्ड कमर्सिअल भेइकल्सको एकल अधिकृत विक्रेता आइएमई मोटर्सले ‘आइएमई स्वरोजगारी अभियान’ सुरू गरेको छ। गुरुजी (सवारी चालक)हरूलाई सवारी धनी बनाउने उद्देश्यका साथ कम्पनीले उक्त अभियान सुरू गरेको हो।
यो योजनाअन्तर्गत अशोक लेल्यान्डका जुनसुकै लाइट कमर्सियल भेइकल (दोस्त) सिरिजका सवारी साधन बिना धितो ८० प्रतिशतसम्म फाइन्यान्स सुविधामा खरिद गर्न सकिनेछ। यी सवारी साधन खरिद गर्ने ग्राहकले तीन महिनासम्म मासिक किस्ता (इएमआई) तिर्नु नपर्ने सुविधा र आकर्षक ब्याजदरको लाभ लिन पाउने छन्।
यो योजना आफ्नै व्यवसाय सुरू गर्न चाहने चालकहरू लक्षित रहेको कम्पनीको भनाइ छ। ‘त्यसैले हामीले यसलाई ‘गुरुजीबाट साहुजी’ योजना भनेका छौं,’ कम्पनीद्वारा जारी एक विज्ञप्तिमा भनिएको छ।
यसले वैदेशिक रोजगारीबाट फर्केर स्वदेशमै स्वरोजगार काम गर्न चाहनेलाई पनि राम्रो अवसर प्रदान गर्नेछ। त्यसैगरी, रोजगारी गुमाएर आफ्नै व्यवसाय सुरू गर्न खोजिरहेका र व्यवसाय विस्तार गर्ने योजनामा रहेका उद्यमीले पनि यसबाट लाभ लिन सक्नेछन्।
नेपालमा अशोक लेल्यान्डका सवारी साधनले हाल राम्रो बजारमा पाएको छ। अहिले नेपालभर यसका २० भन्दा बढी आधिकारिक वर्कसपहरू छन्।
नयाँ योजना सार्वजनिक गर्ने क्रममा आइएमई मोटर्सका प्रमुख कार्यकारी अधिकृत हेमन्त पुरानिकले भने, ‘यो अफर यातायात-ढुवानी व्यवसाय सुरू गरी आफ्नै उद्यमको मालिक बन्न चाहने सवारी चालक र अन्य रोजगार नभएका व्यक्तिहरूको लागि सुनौलो अवसर हुन सक्छ।' उनका अनुसार उक्त योजना ‘तपाईंको प्रगति, हाम्रो चाहना’ भन्ने कथनमा आधारित छ।
