साताको पहिलो दिन आज सेयर बजार घटेको छ। आइतबार सेयर बजारको परिसूचक १००.६७ अंकले घटेर २७००.८९ पुगेको हो।
दिनभरमा २२७ कम्पनीको १ करोड १६ लाख ६१ हजार ६३९ सेयर किनबेच हुँदा ५ अर्ब ९७ करोड ७२ लाख १४ हजार ७३० रुपैयाँ ६४ पैसाको कारोबार भएको छ।
कारोबार भएका कुल कम्पनीमध्ये १९० कम्पनीको मूल्य घटेको छ भने कुनै पनि कम्पनीको मूल्य बढेको छैन। एउटा कम्पनीको मूल्य भने स्थिर छ।
त्यस्तै, कारोबारमा आएका १३ उपसमूहहरूमध्ये १३ वटै उपसमूहको सूचक नकारात्मक देखिएको नेपाल स्टक एक्सचेन्जले जनाएको छ।
आइतबार सबै कम्पनीको सेयर २ प्रतिशतभन्दा कमले मात्रै बढेको छ।
नेपाल स्टक एक्सचेन्जकाअनुसार आज अपर तामाकोशी हाइड्रोपावरको सबै भन्दा धेरै सेयर कारोबार भएको छ। कम्पनीको ३२ करोड ८४ लाख ८ हजार ९४४ रुपैयाँ १० पैसाको कारोबार भएको हो।
यसपछि अरुन भ्याली हाइड्रोपावरको २८ करोड ३९ लाख ४५ हजार ८२ रुपैयाँ, निफ्राको २५ करोड ३२ लाख ९२ हजार ४८७ रुपैयाँ ४० पैसा, नेसनल हाइड्रोपावर कम्पनीको २५ करोड २७ लाख ९३ हजार १४६ रुपैयाँ ९० पैसा र अपि पावरको २१ करोड ४७ लाख ५२ हजार ९६६ रुपैयाँ ८० पैसाको कारोबार भएको छ।
