एनएमबी बैंक र बिराटनगर वडा नं ४ स्थित हाम्रो अस्पतालबीच सम्झौता भएको छ। बैंकले हाम्रो अस्पतालमा उपचारको लागि आउने व्यक्ति तथा कर्मचारीहरूको सहजताको द्विपक्षीय समझदारी भएको हो।
उक्त समझदारी अनुसार अस्पतालबाट उपलब्ध गराइने विभिन्न किसिमका चिकित्सकीय सेवाहरूमा विशेष छुट तथा सहुलियत दिने जानकारी गराइएको छ। उक्त अस्पतालले बैंकका एटिएम तथा अन्य भिसा कार्ड होल्डर ग्राहकहरू तथा कर्मचारीहरूलाई अन्तरंग (भर्ना), फार्मेसीबाट औषधी खरिद, ल्याब परीक्षणहरू र शल्यक्रियामा छुट उपलब्ध गराउने छ।
समझदारी पत्रमा बैंकका तर्फबाट प्रदेश १ का प्रमुख उत्सव घिमिरे र अस्पतालका तर्फबाट निर्देशक सुनिलचन्द्र अधिकारीले हस्ताक्षर गरेका छन्।
बैंकले आफ्नो सेवा अभिवृद्धि गर्ने क्रममा यस्ता सुविधाहरू ग्राहक माझ प्रस्तुत गर्दै आइरहेको छ। छुटसम्बन्धी थप जानकारी एनएमबी बैंकको वेवसाइटअन्तर्गत रहेको एनएमबी भिसा कार्ड डिस्काउन्ट सेक्सनमा गएर प्राप्त गर्न सकिन्छ।
एनएमबी बैंकले हाल देशभरी २०१ शाखाहरू, १३९ एटिएमहरू, ९ एक्सटेन्सन काउन्टरहरू मार्फत ग्राहकहरूलाई सेवा प्रदान गर्दैछ ।