साताको दोस्रो दिन सोमबार पनि सेयर बजार घटेको छ।
आज सेयर बजार नेप्से परिसूचक ४३.१२ अंकले घटेर २६१०.५८ अंकको विन्दूमा पुगेको हो।
दिनभर २ सय २७ कम्पनीको ७८ लाख ३४ हजार ९१५ सेयर किनबेच हुँदा ३ अर्ब ६६ करोड १८ लाख ९ हजार ८६७ रुपैयाँको कारोबार भएको छ। आज सबै उपसमूहहरू घटेका छन्।
नेपाल स्टक एक्सचेन्जकाअनुसार आज सबैभन्दा धेरै अपि पावर कम्पनीको सेयर कारोबार भएको छ। कम्पनीको १६ करोड ९ लाख ९९ हजार रुपैयाँको कारोबार भएको हो। त्यस्तै, अरुण भ्याली हाइड्रोको १४ करोड ९४ लाख ५२ हजार र र हिमालय डिष्टिलरीको १३ करोड ३६ लाख ७९ हजारको कारोबार भएको छ।
आज सबैभन्दा धेरै एनआईसी एसिया डिबेन्चर इकाईधनीले कमाएका छन्। कम्पनीका लगानीकर्ताले २ प्रतिशतले कमाएका हुन्। त्यस्तै, सनराइज ब्लुचीप फन्ड १.६५, लक्ष्मी इक्विटी फन्ड १.२४, तारागाउँ रिजेन्सी १.११ र सानीमा जेनरल इन्स्युरेन्सका लगानीकताले ०.८७ प्रतिशतले कमाएका छन्।
त्यसैगरी, तेह्रथुम पावर कम्पनी र सामलिङ पावरका लगानीकर्ताले सबैभन्दा धेरै गुमाएका छन्। कम्पनीका लगानीकर्ताले १० प्रतिशतले गुमाएका हुन्।
