सानिमा बैंकले पाँचखालस्थित तामाघाटमा नयाँ शाखा स्थापना गरी बैंकिङ सेवा विस्तार गरेको छ। बैंकको उक्त शाखा कार्यालयको उद्घाटन पाँचखाल नगरपालिकाका मेयर महेश खरेलले एक कार्यक्रमका बीच गरेका हुन्।
आइतबार भएको उद्घाटन समारोहमा नगरपालिकाका मेयर खरेलले पाँचखालमा बैंकको कार्यालय संचालन गरिएकोमा बैंकलाई बधाई दिए। साथै, सबल र विश्वसनीय बैंकको रुपमा निरन्तर विस्तार हुन र थप सफलताको लागि शुभकामना व्यक्त गरे।
त्यसैगरी, बैंकका सहायक प्रमुख कार्यकारी अधिकृत सरोज गुरागाईंले बैंकका ग्राहक तथा सरोकारवालाहरूलाई निरन्तर सहयोग तथा संरक्षणका लागि कृतज्ञता व्यक्त गरे।
सानिमा बैंकको देशका सातै प्रदेशमा १२४ कार्यालय र १०४ वटा एटिएम संचालनमा छन्।
