साताको पहिलो दिन आइतबार सेयर बजार ३ अंकले घटेको छ।
आज सेयर बजार नेप्से परिसूचक ३.६६ अंकले घटेर २५४३.३९ अंकको विन्दूमा झरेको हो। नेप्से घटेसँगै कारोबार रकम पनि २ अर्बमा सीमित भएको छ।
दिनभरीमा २३० कम्पनीका ५१ लाख ३९ हजार २३९ सेयर किनबेच हुँदा २ अर्ब ४९ करोड ३२ लाख ४१ हजार २७२ रुपैयाँको कारोबार भएको छ। त्यस्तै, आज १३ उपसमूहमध्ये ४ उपसमूहको परिसूचक बढेको छ भने बाँकी ९ उपसमूहको परिसूचक घटेको छ।
यस दिन विकास बैंक उपसमूहको परिसूचक सबैभन्दा बढी १.२४ प्रतिशत बढेको छ। अन्य उपसमूहको परिसूचक ०.८५ प्रतिशत, बैंकिङको ०.२ प्रतिशत र होटल उपसमूहको ०.०५ प्रतिशत बढेको छ। कारोबारमा आएको उत्पादन तथा प्रशोधन उपसमूहको परिसूचक १.२४ प्रतिशत घटेको छ।
नेपाल स्टक एक्सचेन्जकाअनुसार आज शिवम् सिमेन्टको सबैभन्दा बढी सेयर कारोबार भएको छ। कम्पनीको १५ करोड २२ लाख रुपैयाँभन्दा बढीको सेयर कारोबार भएको छ। त्यस्तै नेपाल लाइफ इन्सोरेन्सको १४ करोड २७ लाख, अपि पावर कम्पनीको ११ करोड १७ लाख र हिमालयन डिष्टिलरीको ८ करोड ३६ लाख रुपैयाँको कारोबार भएको छ।
आज मैलुङ्ग खोला जलविद्युत कम्पनीको सेयर मूल्य सबैभन्दा धेरै बढेको छ। कम्पनीका सेयर मूल्य ७.८० प्रतिशतले बढेको हो। त्यस्तै, आइतबार कारोबारमा आएका सामलिङ पावर कम्पनीको सेयर मूल्य ४.४८ र नेपाल ल्युब आयलको सेयर मूल्य ४ प्रतिशतले बढेको छ।
त्यस्तै, शिवम् सिमेन्टको सेयर मूल्य सबैभन्दा धेरै घटेको छ। कम्पनीको सेयर मूल्य ७.११ प्रतिशतले घटेको छ।
