साताको पहिलो दिन आज सेयर बजार घटेको छ। आइतबार नेप्से परिसूचक १४.६७ अंकले घटेर २६१६.५८ अंकको विन्दूमा झरेको हो।
दिनभरीमा २२४ कम्पनीको ४२ लाख ८७ हजार ५६९ सेयर किनबेच हुँदा २ अर्ब २७ करोड ४६ लाख २६ हजार १९० रुपैयाँ ५२ पैसाको कारोबार भएको छ।
कारोबार भएका कुल कम्पनीमध्ये ४६ कम्पनीको मूल्य बढेको छ भने १४१ कम्पनीको मूल्य घटेको छ। बाँकी ६ कम्पनीको मूल्य स्थिर छ।
त्यस्तै, आज १३ उपसमूहमध्ये इन्भेस्टमेन्ट उपसमूहबाहेक बाँकी १२ वटै उपसमूहको परिसूचक घटेको छ। इनभेस्टमेन्टको परिसूचक १.६६ प्रतिशतले बढेको हो।
आज राष्ट्र उत्थान लघुवित्त संस्थाको सेयर १० प्रतिशतले बढेको छ र इमर्जिङ नेपाल लिमिटेडको सेयर ९.९९ प्रतिशतले बढेको छ। निफ्राको सेयर ४.८९ प्रतिशत र सप्तकोशी विकास बैंकको ४.४८ प्रतिशले सेयर बढेको छ। बाँकी कम्पनीको सेयर भने ४ प्रतिशतभन्दा कमले मात्रै बढेको छ।
नेपाल स्टक एक्सचेन्जकाअनुसार आज नेपाल लाइफ इन्स्योरेन्सको सबैभन्दा धेरै सेयर कारोबार भएको छ। कम्पनीको १६ करोड २९ लाख ४९ हजार ६३० रुपैयाँ ३० पैसाको कारोबार भएको हो।
यसपछि, जीवन विकास लघुवित्त वित्तीय संस्थाको १३ करोड ४२ लाख ९१ हजार ६८१ रुपैयाँ ६० पैसा, एनटिसीको ८ करोड ८२ लाख ४८ हजार ४९३ रुपैयाँ ८० रुपैयाँ १० पैसा, एनटिसीको ८ करोड ६७ लाख ४४ हजार ७७८ रुपैयाँ ८० पैसा र नेपाल बैंकको ५ करोड ९७ लाख ९ हजार ६०१ रुपैयाँ ८० पैसाको कारोबार भएको छ।
