एसिड आक्रमणपछि बाँच्न सफल बसन्ती परियारको वास्तविक जीवनमा आधारित रहेर नबिल बैंकले एक सामाजिक सचेतना अभियान सुरू गरेको छ।
बसन्ती परियारलाई पिडकले एसिड मात्र छर्केन, ६ पटकसम्म चक्कु प्रहार गरेर मरणासन्न हुने गरी उनको जीवन नै समाप्त गर्ने उदेश्यले आक्रमण गर्यो। एसिड आक्रमणबाट बाँच्न सफल उनी अब पिडितको रूपमा नभई बहादुरी जीवनयापकको रूपमा आफ्नो पहिचान बनाउन चाहन्छिन्। थप विगतका पिडाहरूलाई भुल्न नसके पनि बसन्ती ती पिडाहरू विरुद्ध लड्ने आँट भएकी प्रेरणादायक महिलाको रुपमा अघि बढीरहेकी छिन्।
बसन्तीको आँट, साहस, बहादुरी र आत्मविश्वासी अभियानलाई साथ दिन नबिल बैंकले यो पहल गरेको हो। यो अभियान मार्फत नबिलले मानिसको भित्री रूपको शक्ति र सामर्थलाई जोड दिने सन्देश सहित यो अभियान मार्फत सौन्दर्यलाई नयाँ तरिकाले चित्रण गर्ने उदेश्य राखेको छ। यसबाहेक, नबिल एसिड आक्रमणको अँध्यारो र उज्यालो पक्षहरूलाई उजागर गर्ने प्रयास गर्दैछ।
यस अभियानको सुरुवात गर्न बैंकले बसन्तीलाई चित्रण गर्ने सचेतनामूलक भिडिओ तयार गरेको छ। यसै सिलसिलामा बैंकले चैत २२ गते विभिन्न क्षेत्रका विज्ञहरूलाई प्यानल राखेर एक छलफलको आयोजना गर्दैछ।
एसिड आक्रमण पीडितहरूमा आत्मविश्वास बढाउन र एसिड आक्रमणबारे आम जागरुकता बढाउन उक्त छलफलले सहयोग पुग्ने विश्वास गरिएको छ। बैंक र समाजको लागि बसन्ती मोडेल मात्र नभई एक प्रेरणादायी पात्र बनेकी छन्।
