सेयर कारोबारको लागि साताको अन्तिम दिन आज सेयर बजार घटेको छ। बिहीबार सेयर बजारको परिसूचक १६.६९ अंकले घटेर २,६१३.६७ पुगेको हो।
दिनभर जम्मा २२४ कम्पनीको ५२ लाख ९८ हजार ५४३ सेयर किनबेच हुँदा ३ अर्ब २४ करोड ८९ लाख ४३ हजार ८२४ रुपैयाँ ६५ पैसाको कारोबार भएको छ।
कारोबार भएका कुल कम्पनीमध्ये १४१ कम्पनीको मूल्य घटेको छ भने जम्मा ४९ कम्पनीको मूल्य बढेको छ। बाँकी ४ कम्पनीको मूल्य स्थिर छ।
आज कारोबारमा आएका १३ वटा उपसमूहहरूमध्ये लाइफ इन्स्योरेन्स र नन लाइफ इन्स्योरेन्स बाहेक सबै उपसमूहको सूचक नकारात्मक देखिएको छ। लाइफ इन्स्योरेन्सको परिसूचक २.५४ प्रतिशत र नन लाइफ इन्स्योरेन्सको परिसूचक १.०५ प्रतिशतले बढेको हो।
बिहीबार राष्ट्र उत्थान लघुवित्त संस्थाको सेयर १० प्रतिशतले बढेको छ। इमर्जिङ नेपाल लिमिटेडको सेयर ९.९९ प्रतिशत र युनाइटेड आइडिआइ मार्दी आरबी हाइड्रोपावरको ९.९३ प्रतिशतले बढेको छ। बाँकी कम्पनीको सेयर ८ प्रतिशतभन्दा कमले मात्रै बढेको छ।
नेपाल स्टक एक्सचेन्जकाअनुसार आज एनआइसी एसिया बैंकको सबैभन्दा धेरै सेयर कारोबार भएको छ। कम्पनीको ८ करोड ४१ लाख ९४ हजार ६३९ रुपैयाँ २० पैसाको कारोबार भएको हो।
यसपछि, जीवन विकास लघुवित्त वित्तीय संस्थाको ३० करोड ६३ लाख ९७ हजार ६२४ रुपैयाँ ३० पैसा, एनटिसी २३ करोड ५० लाख ६८ हजार ५८७ रुपैयाँ, लाइफ इन्स्योरेन्स कर्पोरेन्स ११ करोड ३१ लाख ५ हजार ९६० रुपैयाँ ३० पैसा, अपि पावरको १० करोड ३३ लाख ४५ हजार ३४७ रुपैयाँ ५० पैसा र गुराँस लाइफ इन्स्योरेन्सको ८ करोड ३७ लाख ७३ हजार ७८ रुपैयाँ ६० पैसाको कारोबार भएको छ।
