यो साता नेप्से परिसूचक २७.९३ अंकले घटेको छ। साताको पहिलो दिन आइतबार बजार खुल्दा नेप्से परिसूचक ४१.४३ अंकले घटेर २,५७२.२३ विन्दुमा पुगेको थियो। तर बिहीबार बजार बन्द हुँदा परिसूचक घटेर २,५४४.३० पुग्यो।
साताको चार दिन नेप्से घट्यो भने एक दिन मात्रै सेयर बजार बढेको हो। आइतबार, सोमबार, मंगलबार र बिहीबार सेयर बजार बजार बढेको थियो। बुधबार भने सेयर बजार बढ्यो।
पहिलो दिन आइतबार ४ अर्ब ९८ करोड ९५ लाख १४ हजार ४१५ रुपैयाँ ७८ पैसाको कारोबार भएको थियो। यो साताको बजार बन्द हुँदा बिहीबार कारोबार रकम घटेर जम्मा १ अर्ब ८९ करोड १ लाख ६४ हजार ६८६ रुपैयाँ ४० पैसा पुग्यो।
पहिलो दिन आइतबार ४१.४३ अंकले घटेको परिसूचक सोमबार २९.९८ अंकले घट्यो। त्यस्तै, मंगलबार सेयर बजार परिसूचक १४.२६ अंकले घटेर २,५२७.५८ पुग्यो। बुधबार भने बजार परिसूचक ४०.६८ अंकले बढेर २,५६८.२५ पुग्यो। नेप्से कारोबारको अन्तिम दिन बिहीबार भने सेयर बजारको परिसूचक २३.९५ अंकले घटेर २,५४४.३० पुगेको हो।
आइतबार २३२ कम्पनीको कारोबार भएको थियो। सोमबार भने २३१ कम्पनीको कारोबार भयो भने मंगलबार कारोबार गर्ने कम्पनीको संख्या घटेर २२५ वटा पुग्यो। त्यस्तै, बुधबार कारोबारमा आउने कम्पनी संख्या बढेर २३२ पुगेको थियो। बिहीबार भने यो संख्या घटेर कुल २२८ कम्पनीको सेयर किनबेच भयो।
अघिल्लो साताको तुलनामा नेप्से बढेपनि कारोबार रकममा भने कमि देखिएको छ। आइतबार ८९ लाख २३ हजार सेयर किनबेच हुँदा ४ अर्ब ९८ करोड ९५ लाख १४ हजार ४१५ रुपैयाँ ७८ पैसाको कारोबार भएको थियो। यो साताको बजार बन्द हुँदा बिहीबार कारोबार रकम घटेर १ अर्ब ८९ करोड १ लाख ६४ हजार ६८६ रुपैयाँ ४० पैसाको कारोबार पुग्यो।
सोमबार बजार घटेको दिन जम्मा २ अर्ब ५४ करोड रुपैयाँको कारोबार भएको थियो। त्यस्तै, मंगलबार भने ३८ लाख ९० हजार १३१ सेयर किनबेच हुँदा १ अर्ब ७५ करोड ६ लाख रुपैयाँको कारोबार भयो। बुधबार बजार बढेको दिन ४५ लाख २ हजार ५११ सेयर किनबेच हुँदा २ अर्ब २५ करोड १ लाख १७ हजार २९६ रुपैयाँ ३५ पैसाको कारोबार भयो।
बिहीबार भने नेप्से घटेको दिन जम्मा ३७ लाख ८७ हजार ४५ सेयर किनबेच भयो र १ अर्ब ८९ करोड १ लाख ६४ हजार ६८६ रुपैयाँ ४० पैसाको कारोबार भएको हो।
साताभर कारोबारमा आएका १३ वटा उपसमूहहरूमध्ये प्रायः उपसमूहको सूचक नकारात्मक देखिएको थियो। आइतबार कारोबारमा आएका १३ उपसमूहहरूमध्ये १२ वटा उपसमूहको सूचक नकारात्मक देखिएको थियो। त्यस्तै, सोमबार सबै उपसमूहको सूचक नकारात्मक देखियो भने मंगलबार १२ वटा उपसमूहको सूचक नकारात्मक देखिएको थियो।
बुधबार बजार बढेको दिन मात्रै १३ वटै उपसमूहको सूचक सकारात्मक देखिएको हो। साताको बजार बन्द हुँदा बिहीबार पनि १२ वटा उपसमूहक सूचक नकारात्मक देखिएको थियो।
साताभर कारोबारमा आएका कम्पनीमध्ये तीन दिन इमर्जिङ नेपालको सेयर १० प्रतिशतले बढेको थियो भने दुई दिन ९.९९ प्रतिशतले बढ्यो। त्यस्तै, राष्ट्र उत्थान लघुवित्त संस्थाको सेयर सोमबार र मंगलबार १० प्रतिशतले बढेको थियो भने आइतबार, मंगलबार, बुधबार र बिहीबार ९.९९ प्रतिशतले बढ्यो।
यीबाहेक आइतबार जीवन विकास लघुवित्त संस्थाको सेयर १० प्रतिशतले बढेको थियो भने बुधबार र बिहीबार नेष्डो समृद्धि लघुवित्त संस्थाको सेयर ९.९९ प्रतिशतले बढेको थियो।
नेपाल स्टक एक्सचेन्जका अनुसार साताभरिमा धेरै कारोबार भएका कम्पनीमध्ये अपि पावर, नेपाल लाइफ इन्स्योरेन्स, जीवन विकास लघुवित्त वित्तीय संस्था, हिमालयन डिस्टिलरी, प्रभु इन्स्योरेन्स, नबिल बैंक, नियन लाइफ इन्स्योरेन्स कम्पनी लगायत पर्छन्।
