एनएमबी बैंक र दराजबीच नयाँ वर्षको अवसरमा अनलाइन सपिङ गर्दा छुट प्रदान गर्ने सम्बन्धी सम्झौता भएको छ। सम्झौतासँगै अब एनएमबी बैंकका ग्राहकहरूले दराजबाट अनलाइन सामान खरिद गरी अनलाइनबाटै भुक्तानी गर्दा १५ प्रतिशतसम्म छुट प्राप्त गर्न सक्नेछन्।
उक्त सम्झौतापत्रमा बैंकका तर्फबाट रिटेल बैंकिश्र प्रमुख रोशन रेग्मी र दराजका तर्फबाट डिजिटल पेमेन्ट पार्टनरसीप प्रमुख अरुण फुयाँललेले हस्ताक्षर गरेका हुन्।
बैंकको कार्ड प्रयोगकर्ताहरूले २०७८ चैत्र २८ गतेदेखि सिमित समयको लागि डेबिट कार्डमार्फत अग्रिम भुक्तानीमा अधिकतम १० प्रतिशत वा एक हजार रुपैयाँसम्मको छुट र क्रेडिट कार्ड मार्फत अग्रिम भुक्तानीमा अधिकतम १५ प्रतिशत वा १५ सय रुपैयाँसम्मको छुट प्राप्त गर्न सक्ने बैंकद्वारा जारी विज्ञप्तिमा उल्लेख छ।
उक्त छुट प्राप्त गर्नका लागि ग्राहकहरूले आफ्नो कार्डमा ई-कमर्स सक्रिय हुनुपर्नेछ। बैंकले ग्राहकहरूलाई आफ्नो कार्डमा ई-कमर्स सहजै सक्रिय गर्न सकिने र क्रेडिट कार्ड सरल प्रक्रियाबाट प्राप्त हुने जानकारी गराएको छ।
यस सम्झौताको मुख्य उद्देश्य बैंकका ग्राहकहरूलाई नयाँ वर्षमा सजिलैसँग घरमै बसेर अनलाइनबाट सामान खरिद र भुक्तानी गर्दा छुट प्राप्त गर्न सकिने अवसर प्रदान गर्नु हो। यस सम्झौताले विशेष छुट उपलब्ध गराउने हुँदा ग्राहकहरूलाई विशेष सहयोग पुग्ने विश्वास दराजले पनि लिएको छ।
एनएमबी बैंकले दि फिनान्सियल टाइम्स, लण्डनको ‘द ब्यान्कर’ पत्रिकाद्वारा एसियाकै सर्वोत्कृष्ट बैंकको उपाधी ‘बैंक अफ दि इयर एसिया २०२१’ उपाधीबाट सम्मान पाएको छ। बैंकले सन् २०१७, सन् २०१८ र सन् २०२०का लागि पनि उक्त पत्रिकाद्वारा नेपालकै उत्कृष्ट बैंकको उपाधी ‘बैंक अफ दि इयर नेपाल’ प्राप्त गरेको छ।
एनएमबी बैंकले हाल देशभरी २०१ शाखाहरू, १३९ एटिएमहरू र ११ एक्सटेन्सन काउन्टरहरू मार्फत आफ्नो सेवा दिइरहेको छ।
