नेपाल राष्ट्र बैंकका गभर्नर महाप्रसाद अधिकारीले सर्वोच्च अदालतमा दिएको रिट आज दर्ता हुन सकेन।
सरकारले आफूलाई गरेको निलम्बनको निर्णयविरूद्ध अधिकारीले आइतबार रिट दायर गरे पनि प्रक्रिया नसकिएको हो।
कार्यालय समय सकिएका कारण दर्ताको प्रक्रिया भोलि सोमबार पूरा हुने सर्वोच्चका प्रवक्ता विमल पौडेलले जानकारी दिए।
'आज प्रक्रियामै समय बित्यो, भोलि सकिन्छ,' उनले सेतोपाटीसँग भने, 'भोलि दर्ता भएपछि पेसी सम्भवतः पर्सि (मंगलबार) हुनेछ।'
गत चैत २५ गते सरकारले अधिकारीलाई गभर्नर पदबाट निलम्बन गरेपछि यसविरूद्ध उनी सर्वोच्च अदालत गएका हुन्।
अधिकारीले आफूमाथि गरिएको कारबाही बदर गरी गभर्नरको जिम्मेवारीमा फर्किन अन्तरिम आदेश माग गर्दै रिट दायर गरेका छन्।
यो पनि पढ्नुहोस्ः गभर्नरविरूद्धको 'कंगारू समिति' खारेज गर
गभर्नर महाप्रसाद अधिकारीमाथि सरकारको ज्यादती
