नेपाल विद्युत प्राधिकरणको सेयर जारी गरिने भएको छ। आइतबार आगामी आर्थिक वर्ष २०७९/०८० को बजेट पेश गर्दै अर्थमन्त्री जर्नादन शर्माले यस्तो बताएका हुन्।
सरकारले प्रिमियम मूल्यमा सर्वसाधारणलाई समेत सेयर बिक्री गर्ने भएको हो। प्राधिकरणको क्रेडिट रेटिङ भइसकेको मन्त्री शर्माले उल्लेख गरेका छन्। इक्रा नेपालले प्राधिकरणको क्रेडिट रेटिङ गरेको हो।
प्राधिकरणको करपछिको नाफा कुल ८ अर्ब रुपैयाँ छ। प्राधिकरणले विद्युत बिक्रीबाट ७१ अर्ब रुपैयाँ र अन्यबाट १० अर्ब रुपैयाँ गरी कुल ८१ अर्ब रुपैयाँ आम्दानी छ। यसमा सरकारको पूर्ण लगानी छ।
