शुक्रबार नेप्से परिसूचक १.७१ प्रतिशतले घटेको छ। आज नेप्से परिसूचक ३४.७० अंकले घटेर १,९९२.३३ बिन्दुमा पुगेको हो। अघिल्लो दिन पनि नेप्से परिसूचक १६.६० अंकले घटेको थियो।
नेप्से घटेसँगै आज कारोबार रकम पनि घटेको छ। अघिल्लो दिन एक अर्ब ८० करोड ६२ लाख ४ हजार रुपैयाँको कारोबार भएकोमा आज कारोबार रकम एक अर्ब १६ करोड ८४ लाख ५१ हजार रुपैयाँ पुगेको छ।
आज कुल २१७ किसिमका धितोपत्र तथा ऋणपत्रको ३० लाख ६३ हजार ४७६ कित्ता सेयर किनबेच भएको छ। कारोबार भएका धितोपत्र तथा ऋणपत्रमध्ये जम्मा १९ वटाको मूल्य बढेको छ भने १९३ वटाको मूल्य घटेको छ।
शुक्रबार कारोबारमा आएका १३ उपसमूहहरूमध्ये सबैको मूल्य घटेको छ। तीमध्ये पनि सबैभन्दा धेरै होटल एन्ड टुरिजमको ३.६२ प्रतिशत, ट्रेडिङको ३.२२ प्रतिशत र फाइनान्सको २.९९ प्रतिशतले घटेको हो।
कारोबार रकमको आधारमा आज सबैभन्दा धेरै शिवम् सिमेन्ट ५ करोड ५९ लाख ८३ हजार रुपैयाँको सेयर कारोबार भएको छ।
यसपछि युनाइटेड आइडिआई मार्दी आरबी हाइड्रोपावरको ३ करोड ९७ लाख ६६ हजार रुपैयाँ, लाइफ इन्स्योरेन्स कर्पोरेसन ३ करोड ९१ लाख ३८ हजार रुपैयाँ, अरुण काबेली पावरको ३ करोड ७९ लाख २९ हजार रुपैयाँ र एनटिसीको ३ करोड ७३ लाख ४४ हजार रुपैयाँको कारोबार भएको छ।
