सिद्धार्थ इन्स्योरेन्स र प्रिमियम इन्स्योरेन्स एक आपसमा मर्जरमा जाने भएका छन्। दुई कम्पनीबीच मर्जर सम्बन्धी सम्झौता भएको हो।
दुवै कम्पनीको १ः१ को अनुपातमा स्वाप रेसियो कायम हुने प्रारम्भिह सहमति भएको छ। यी कम्पनीहरूको सम्पति तथा दायित्व मूल्यांकन प्रतिवेदन (डिडिए) रिपोर्टले स्वाप रसियो तय गर्नेछ।
मर्जर सम्झौता भएसँगै यी इन्स्योरेन्स कम्पनीहरूको सेयर कारोबार रोक्का गरिएको छ। नेपाल स्टक एक्सचेन्जले आज (असार २८) गतेदेखि लागू हुने गरी दुवै कम्पनीको सेयर कारोबार रोक्का गरेको हो।
असार २७ गतेअनुसार सिद्धार्थ इन्स्योरेन्सको सेयर मुल्य प्रतिकित्ता ५४३.७० रूपैयाँ र प्रिमियर इन्स्योरेन्सको सेयर मूल्य ५७६ रूपैयाँ कायम छ।
