बाजुराको खप्तड छेडेदह गउँपालिकामा रहेको हिमालयन बैंकले सामाजिक सुरक्षा भत्ता वितरण गर्न घुम्ती शिविर सुरु गरेको छ।बैंकले गाउँपालिकासँगको सहकार्यमा उक्त शिविर सुरु गरेको हो।
बुधबार गाउँपालिकाको वडा नं ७ कार्यालयमा बैंकले जेष्ठ नागरिक, अशक्त, अशहाय तथा बिरामी भएर थलिएका लाभ ग्राहिहरूलाई भत्ता वितरण गरेको छ। हिमालयन बैंक छेडेदह शाखा प्रबन्धक किरण रिजालले भत्ता वितरणसँगै घुम्ती शिविर सञ्चालनमा आएको जानकारी दिए।
जिल्लामै पहिलो पटक भत्ता वितरणको लागि शिविर सञ्चालन गर्न लागेको हुँदा उक्त शिविरमा गाउँपालिका अध्यक्ष दिल बहादुर रावत, प्रमुख प्रशासकीय अधिकृत कृष्ण राज जोशी, वडा अध्यक्ष खगेन्द्र रावत लगाएतको उपस्थिती थियो।
बैंकले प्रत्येक तीन महिनामा सबै वडा कार्यालहरूमा पुगेर अशक्त, अशहाय तथा वृद्धहरूको लागि शिविर सञ्चालन गर्ने जनाइएको छ। स्थानीयले बैंक प्रतिनिधि लगायत उपस्थित सबैलाई फुलमाला सहित स्वागत गरेका थिए।
बैंकले वडा तहसम्म पुगेर शिविर सञ्चालन गर्न लागेपछि स्थानिय वृद्ध-वृद्धा खुशी भएको बैंकले जनाएको छ।
