सिभिल बैंकले दुई वटा नयाँ मुद्दती योजना 'दोब्बर प्लस' र 'तेब्बर प्लस' सार्वजनिक गरेको छ। योजनाहरू अन्तर्गत ग्राहकहरूले तोकिएको अवधिभर जम्मा गरेको रकमको दोब्बर वा तेब्बर रकम एकमुष्ट रूपमा भुक्तानी प्राप्त गर्न सक्नेछन्।
यी मुद्दती योजनाहरूमा नेपालमै पहिलो पटक दश लाख रूपैयाँसम्मको जीवन बीमा सुविधा (रिलायन्स लाइफ इन्स्योरेन्ससँगको सहकार्यमा) र दश लाखको दुर्घटना बीमा सुविधा (अजोड इन्स्योरेन्ससँगको सहकार्यमा) निःशुल्क रूपमा उपलब्ध गराइने बैंकले जनाएको छ।
६ वर्ष तीन महिना २४ दिनमा ग्राहकहरूले जम्मा गरेको मौज्दात रकमको दोब्बर भुक्तानी र दश वर्ष दुई दिनमा जम्मा गरेको मौज्दात रकमको तेब्बर भुक्तानी एकमुष्ट प्राप्त गर्न मिल्ने भएको हो।
त्यसैगरी, मुद्दती अवधिबीचमा कुनै कारणबस रकम आवश्यक भएमा सञ्चित रकमको ९० प्रतिशतसम्म ऋण सुविधा बिना कुनै झन्झट उपलब्ध गराइने समेत बैंकले जनाएको छ।
बैंकले बचतमा ८.०३ प्रतिशतसम्म र व्यक्तिगत मुद्दती निक्षेपमा १२.०३ प्रतिशतसम्मको ब्याजदर पनि प्रदान गर्दै आइरहेको छ।
बैंकले सात लाखभन्दा बढी ग्राहकहरूलाई आफ्नो ११५ शाखा कार्यालय, १३ एक्सटेन्सन काउन्टर र ९९ एटिएममार्फत बैंकिङ सेवा प्रदान गर्दै आइरहेको छ। साथै, बैंकले गत आसार मसान्तसम्म ९६ अर्ब रूपैयाँभन्दा बढी निक्षेप परिचाल6न गरी ८७ अर्ब रूपैयाँभन्दा बढी कर्जा लगानी गरिसकेको छ।
