एनसिसी बैंकले 'एनसिसी प्रफुल्ल मुद्दती खाता' सञ्चालनमा ल्याएको छ। यस मुद्दती योजनामा निक्षेपकर्ताले निक्षेप रकमको १० गुणासम्म रकम पाउनेछन्।
सीमित अवधिसम्म लागू हुने यो योजनामा व्यक्तिगत निक्षेपकर्ताले ६ वर्ष ४ महिना २५ दिनदेखि २१ वर्ष ६ महिना २८ दिनसम्म र संस्थागत निक्षेपकर्ताले ७ वर्ष १ महिना १२ दिनदेखि २४ वर्ष ११ महिना २ दिनसम्म मुद्दती खातामा रकम जम्मा गरेअनुसार दोब्बरदेखि १० गुणासम्म निक्षेप रकम फिर्ता पाउने बैंकले जनाएको छ।
व्यक्तिगत बचतकर्ताले बचत रकमको ६ वर्ष ४ महिना २५ दिनमा दुई गुणा, १० वर्ष १ महिना २८ दिनमा तीन गुणा, १५ वर्ष ११ दिनमा पाँच गुणा र २१ वर्ष ६ महिना २८ दिनमा दश गुणा रकम पाउने भएका छन्।
यस्तै, संस्थागततर्फ बचत गर्दा बचतकर्ताले बचत रकमको ७ वर्ष १ महिना १२ दिनमा दुई गुणा, ११ वर्ष ५ महिना २० दिनमा तीन गुणा, १७ वर्ष २२ दिनमा पाँच गुणा र २४ वर्ष ११ महिना २ दिनमा दश गुणा रकम पाउने बैंकले उल्लेख गरेको छ।
यसका साथै, पहिलो वर्षको लागि ५ लाखसम्मको दुर्घटना बीमा र २ लाखसम्मको घातक रोग बीमा सुविधा समेत उपलब्ध गराएको बैंकले बताएको छ।
बैंकले देशको ७ वटै प्रदेशमा १५६ शाखा १५ एक्स्टेन्सन काउन्टर र १३३ एटिएम वुथहरूद्वारा ग्राहकहरूलाई स्तरीय सेवा प्रदान गर्दै आएको छ।
